VAGENES

Savdo nomi: VAGENES
Chiqarilish shakli: vaginal suppositoriyalar
Farmakologik guruhi: Gigiyenik vosita

1 ta suppositoriy (shamcha) tarkibida:

Ta’sir modda: Xlorgeksidin biglyukonat — 16 mg (20% li eritmadan qayta hisoblab — 85,2 mg).

Yordamchi moddalar: Gialuronat natriy, aloe vera quruq ekstrakti, vitamin E, makrogol.

Farmakokinetikasi:
Mahalliy qo‘llanganda deyarli so‘rilmaydi, umumiy (sistemali) ta’sir ko‘rsatmaydi.

Farmakologik ta’siri:
Xlorgeksidin — mahalliy qo‘llash uchun mo‘ljallangan antiseptik vosita. U oddiy grammusbat va grammanfiy bakteriyalar, viruslarga, jumladan: Treponema pallidum, Chlamidia spp., Ureaplasma spp., Neisseria gonorrhoeae, Trichomonas vaginalis, Gardnerella vaginalis, Bacteroides fragilis, Herpes simplex virusulariga qarshi faol hisoblanadi.
Xlorgeksidin spora hosil qiluvchi mikroblar, spumaviy preparatlar bilan birga ishlatilsa samarasi kamayadi.

Gialuronat natriy — regeneratsiyani faollashtiruvchi ta’sirga ega.
Aloe vera ekstrakti (quruq) — yallig‘lanishga qarshi ta’sir ko‘rsatadi.
Vitamin E — shilliq qavatni himoya qiladi va antioksidant ta’sir ko‘rsatadi.

Qo‘llanilishi:

Vaginal sohada gigiyena uchun;

Ayollarda shilliq qavat mikroflorasini saqlash, noqulaylik va ajralmalar paydo bo‘lishida parvarishlash;

Yallig‘lanishdan so‘ng, shuningdek, jinsiy sherik almashishdan keyin gigiyenik vosita sifatida;

Hayz davrida, suzish hovuziga tashrifdan so‘ng;

Jinsiy hayotdan keyingi gigiyenik parvarish uchun.

Qo‘llash usuli:

Ichki (vaginal) yo‘l bilan qo‘llanadi.

Suppozitoriyani kuniga 1 marta chuqurroq kiritish tavsiya etiladi.

Gigiyenik parvarish uchun: 1 kuniga 1 shamcha (kechqurun).

Terapevtik kurs — 7 kungacha.

Qo‘llash mumkin bo‘lmagan holatlar:

Preparat tarkibiga individual sezuvchanlik;

Bolalarda qo‘llanilmaydi;

Homiladorlik va laktatsiya davrida faqat shifokor maslahatidan so‘ng.

Nojo‘ya ta’sirlari:
Kamdan-kam hollarda allergik reaksiyalar, qichishish, achishish kuzatilishi mumkin.

Maxsus ko‘rsatmalar:

Preparatni hayz kunlarida qo‘llash mumkin.

Spirtli eritmalar bilan birga qo‘llash mumkin emas.

25°C dan yuqori bo‘lmagan haroratda saqlansin.

Ishlab chiqaruvchi:
“DORA LINE” MChJ buyurtmasiga asosan “PHARMACON MEDICINE” MChJ tomonidan ishlab chiqilgan.