«DORA LINE» MChJ – O‘zbekistondagi biologik faol qo‘shimchalar (BFQ) ishlab chiqaruvchi yetakchi korxonalardan biri. Korxona 2014-yilda tashkil etilgan bo‘lib, Toshkent shahri va Toshkent viloyati Qibray tumanida joylashgan. Korxona biologik faol qo‘shimchalarni tabletka, kapsula, sirop va sasha qadoqlarida ishlab chiqaradi.

«DORA LINE» MChJ o‘zining ishlab chiqarish maydonlariga ega bo‘lib, umumiy maydoni 2 500 kv.m bo‘lgan yer uchastkasida omborxonalar joylashgan 2 ta ishlab chiqarish binosi mavjud.

Korxona Hindiston va Xitoyda ishlab chiqarilgan zamonaviy farmatsevtika uskunalari bilan jihozlangan bo‘lib, ushbu uskunalar yuqori sifatli va xavfsiz mahsulotlar ishlab chiqarish imkonini beradi.

Ishlab chiqarish korxonasi ISO 22000 (HACCP) sertifikatlariga ega.

«DORA LINE» MChJ tarkibiga farmatsevtika mahsulotlarini ishlab chiqarish va realizatsiya qilishga ixtisoslashgan quyidagi kompaniyalar kiradi:

• «DORA LINE» MChJ – BFQ mahsulotlarini marketing qilish, targ‘ib etish va ulgurji realizatsiya qilishga ixtisoslashgan.
• «DORA LINE Production» MChJ – O‘zbekistondagi BFQ mahsulotlarini ishlab chiqaruvchi yetakchi korxona.
• «Plan Baby» MChJ – O‘zbekistonda BFQ mahsulotlarini onlayn realizatsiya qilish bo‘yicha yetakchi kompaniya.
• «Plan Baby Clinic» MChJ – O‘zbekistondagi yetakchi klinikalar tarmog‘i.

«DORA LINE» MChJ mahsulot assortimenti 50 dan ortiq nomdagi mahsulotlarni o‘z ichiga oladi. Jumladan, vitamin komplekslari, mineral komplekslar, probiotiklar va prebiotiklar, gepatoprotektorlar, erkaklar va ayollar salomatligi uchun BFQlar, ko‘rish funksiyasini qo‘llab-quvvatlash uchun preparatlar, antigelmintik vositalar hamda kosmetologiyada qo‘llaniladigan preparatlar mavjud.

«DORA LINE» MChJ mahsulotlari iste’molchilar orasida talabga ega bo‘lib, o‘zining sifati va keng assortimentiga ega ekanligi bilan ajralib turadi.